Прававая культура Беларусі ў XIV - XVIII стст.

Abstract

Пад час вывучэння дысцыпліны «Прававая культура Беларусі ў XIV–XVIII стст.» студэнты знаёмяцца з ведамі, каштоўнасцямі, нормамі паводзін, інстытутамі і структурамі, якія вызначалі стан прававой арганізацыі тагачаснага грамадства Беларусі. У сферы права перапляталася, як важнейшыя тэндэнцыі грамадскага развіцця, так і прыватнае жыццё кожнага асобнага чалавека. Вывучэнне прававой культуры дазваляе ўсебакова і грунтоўна даследаваць самыя разнастайныя бакі беларускай гісторыі позняга Сярэднявечча і ранняга Новага часу. Мэта вучэбнай дысцыпліны заключаецца ў фарміраванні ў студэнтаў кампетэнцый і ведаў па гісторыі прававой культуры на беларускіх землях з XIV па XVIII ст. Вучэбная дысцыпліна адносіцца да цыклу спецыяльных дысцыплін кампанента ўстановы вышэйшай адукацыі (дысцыпліна па выбару студэнта). Дадзеная дысцыпліна звязана з такімі вучэбнымі дысцыплінамі, як «Крыніцазнаўства археалогіі і гісторыі Беларусі (да канца XVIII ст.)» і «Гісторыя паўднёвых і заходніх славян».