Славянскія мовы ў беларускай сацыякультурнай прасторы: гісторыя, функцыянаванне, кантактаванне : справаздача аб навукова-даследчай рабоце (заключная) / БДУ ; навуковы кіраўнік Л. А. Казлоўская

Abstract

Аб’екты даследавання - гісторыя, функцыянаванне і кантактаванне славянскіх моў у беларускай сацыякультурнай прасторы. Мэты даследавання – вывучэнне і апісанне гісторыі, функцыянавання і кантактавання славянскіх моў у беларускай сацыякультурнай прасторы. Атрыманыя вынікі – цыкл праблемных артыкулаў у навуковых часопісах і зборніках матэрыялаў міжнародных навуковых канферэнцый; выданне падручніка для ВНУ «Уводзіны ў славянскую філалогію»; выданне манаграфій, даведнікаў, вучэбных і вучэбна-метадычных дапаможнікаў (92 адзінкі). За справаздачны перыяд выдадзена: кніг – 13 (з іх манаграфій - 5, вучэбна-метадычных дапаможнікаў – 8, навуковых артыкулаў – 64, тэзісаў дакладаў і матэрыялаў канферэнцый – 15). Навуковая навізна плануемых даследаванняў складаецца з таго, што, па-першае, да вывучэння славянскіх моў у азначаным аспекце выкарыстаны ўвесь комплекс камунікатыўных падыходаў і методык, праведзена шматаспектнае сістэмна-кантрастыўнае апісанне аб’екта НДР, па-другое, істотна пашыраны метадалагічны і тэарэтычны апарат, які прымяняецца пры даследаванні функцыянавання славянскіх моў, па аналогіі з выкарыстаннем для вывучэння іншых (неславянскіх) моў разнастайных тэарэтычна-метадалагічных платформ, такіх як прагматычная, корпусна-лінгвістычная, дыскурсная і інш. З улікам існуючых у айчыннай і замежнай лінгвістыцы навуковых распрацовак, правядзены даследаванні, якія арыентаваны на выяўленне пазіцый славянскіх моў у беларускай сацыякультурнай прасторы ў якасці не толькі ідэнтыфікатара этнічнай належнасці, але і ў якасці маркера сацыяльнага статуса і соцыумных характарыстык удзельнікаў камунікацыі.