Рэдагаванне вершаванага тэксту № УД-S-109/р.

Abstract

“Рэдагаванне вершаванага тэксту” – гэта прыкладная філалагічная дысцыпліна, у якой разглядаюцца прыёмы і метады працы з вершаваным літаратурным творам. Спецкурс “Рэдагаванне вершаванага тэксту” ўваходзіць у комплекс спецыяльных дысцыплін, накіраваных на падрыхтоўку прафесійных рэдактараў. Спецыфіка вершаванага тэксту стварае неабходнасць ведання рэдактарам шырокага кола вершазнаўчых праблем. У сувязі з гэтым фарміраванне ўменняў і навыкаў працы рэдактара з вершаваным тэкстам базіруецца на выкладзе грунтоўных ведаў аб сутнасці і структуры верша. Спецкурс “Рэдагаванне вершаванага тэксту” выкладаецца пасля засваення студэнтамі такіх дысцыплін, як “Асновы літаратурнага рэдагавання”, “Асновы творчай дзейнасці рэдактара”, “Методыка літаратурнага рэдагавання”, “Стылістыка”, “Сучасная беларуская мова”, “Сучасная руская мова”, і паралельна з курсамі па “Рэдагаванні розных відаў выданняў”. “Рэдагаванне вершаванага тэксту” карыстаецца асобнымі метадалагічнымі палажэннямі тэорыі літаратуры, вершазнаўства, стылістыкі. Асноўная мэта спецкурса “Рэдагаванне вершаванага тэксту” – засваенне методыкі працы рэдактара над тэкстам вершаванага літаратурнага твора.